ماله الريس ...عمرو الجامد

أنا مابخفش وحفضل أقول

كلمة حق عليها مسؤل

إن الريس راجل طيب

وبشعبه دايماًَ مشغول

مشغول إنه يلم فلوسهم

بره سويسرا يحوشهالنا

وف حسبات سريه يشيلهالنا

نفسه يأمن مستقبلنا

شفتوا إزاي بقه قلبه رحيم

عنده إيمان وضميره سليم

بيجوعكوا لجل تخسوا

آه يا شعب محتاج لرجيم

من جهلكوا بتقولوا بطاله

وإن الأحوال مش شغاله

دا الراجل نفسه يريحكم

هي الراحه تبقي عواله ؟؟

أما حكاية المنتجعات

ليه بتسموها معتقلات ؟؟؟؟

ليه الظن...... وسوء النيه

نفسه يفسحكوا يا بهوات

أما الكرسي واللى تقال

دا كلام مش محتاج لسؤال

الغلطه دي غلطتنا يا عالم

إن مجبناش كرسي تيفال

والله إنتوا ظالمين الراجل

ضيع عمره ومين يستاهل

حتى الأكل بيكله بدالنا

طالع واكل نازل واكل

ماله الريس بعد دا كله ؟؟؟

انت جامد والدليل

انك شايط الريس اشطه

موضوعك جميل وجامد يا عمرو
تسلــــــــــــم ايدك
:
:
وتم نقله للأدب والشعر لأنه مكانه الجميل هنا

دمت بكل خير
اخاك .. محمد

شكرا لمرورك الجميل يا احمد

شكرا لمرورك الجميل يا محمد الموضوع نور بوجودك

تسلم ايدك

» حضن غيرى ...عمرو الجامد
» صعبان عليا .... عمرو الجامد
» حفله مارينا للمطرب الجامد قوي عمرو دياب
» اليكم الان التطور الطبيعى لى الرجالة ..من عمرو الجامد
» حصريا فيلم الريس عمر حرب تصوير سينما نسخة جيدة