بسم الله الرحمن الرحيم
هذة القصة حقيقية وحدثت لى
وهى قصة حبى انا
انا انسان رومانسى جدا يعنى يمكن اكون بحب بسرعة شوية , فتحت قلبى للحب من حوالى سنة تقريبا وبدات افكر فى الحب وتمنيت ان اشعر به واعيشة
لكن عقلى منعنى فى الاول شوية بانى سنى صغير , لحد ما فى يوم كان يوم خميس كان احلى ايام حياتى كنت انا جاى من مشوار وشفت ملاك حياتى قلبى اتقبض
ا اول ما شفتها يوميها كنت مش حاسس بنفسى لاقيتنى نفسى اشوفها تانى وفى نفس اليوم منمتيش خالص فكرت فيها وحسيت انى حبيتها بس بردة عقلى قلى دا حب مراهقة
انت عرفتها اصلا عشان تحبها صبرت ومر حوالى يومين و5 ساعات تقريبا وانا الفترة دى كنت بدعى ربنا انى اشوفها تانى ويوم السبت صليت الظهر ودعيت كالعادة وروحت ابص من
من البلكونة رحت شفتها معدية من الشارع وكانت على فى اخرة لاقيت نفسى حاجة بتقلى انها هية وبتدفعنى انى انزل واروح اشوفها وفعلا سمعت كلام قلبى ونزلت وعبال ما نزلت طبعا
جريت فى الشارع عشان الحقها والحمدلله لحقتها هية لمحتنى وانا بجرى وراها قالتلى اتى بتجرى ورايا لية انا طبعا اتكسفت روحت قلتلها انا حلمت قالتلى والله قلتلها اسالى قلبك وسبتها
ومشيت , روحت مروح زعلان اوى ومضايق انى طوعت قلبى وقلت دا تخلف اللى عملتة دا , قعدت حوالى شهر احاول انسها وانسى نظرة عنيها ليا مش عارف روحت نزلت زى المجنون
بدور عليها فى الشارع , فجاة لاقيتها قدام عنيا تخليوا انا ساعتها كنت عامل ازاى! راحت قالتلى انت اسمك اية قلتلها وانا نفس السؤال راحت قالتلى تعرف انا حلمت بيك روحت هزرت وقلتلها
نعمل زى الفيلم بقا ولا اية ! راحت اضايقت وقالتلى طب انا غلطانة ورايحة تمشى قلتلها لا معلش انا مصدقت لاقيتك المهم اتعرفنا على بعض وانا كل دا حاسس انى بحلم مش مصدق لحد وهية
مروحة وراحت سلميت عليا وقالتلى سلام عارفين يا جماعة انا يوميها فضلت قاعد وباصص لايدى ومش شايف الا صورتها مش شايف حاجة غيرها خالص وعالطول سرحان وبفكر فيها وقعدت
سهران الليل قاعد واكنها معايا والمقابلة اللى كانت عمال تتعاد قدام عنيا والله واللى كان اصعب وللاسف لحد دلوقتى انى بقابلها صدفة وقعدت اعد الليالى واتمنى انى اشوفها واصلى وادعى ربنا
انى اشوفها تانى واكلمها روحت شفتها بعد شهر كانت زى الملاك كانت رايحة المدرسة انا بقا عرفت مواعيد المدرسة الثانوية دى بينى وبينكوا كنت محتار لحسن تكون مش بتحبينى حبيت اخيب
عقلى واثبت لنفسى انى قلبى صح روحت اشتريت وردة وكتبت فى ورقة صغيرة كل اللى فى قلبى ليها وروحت اقعدت بردة اعد الليالى عشان تعدى ومرة روحت شفتها من البلكونة ولحسن الحظ كان
فى وقت معاد مدرستى وكنت جاهز ووالله والله كنت ماسك الوردة اليوم دا وقلبى حاسس انها هتعدى وفعلا عديت روحت قابلتها وسلمنا على بعض وانا كنت شايل الوردة ورا ظهرى روحت اقدمتلها
الوردة راحت اتكسفت وقبلتها وقالتلى شكرا عارفين نظرة عنيها ساعتها بس عرفت انها بتحبينى والله ومن ساعتها على ذا الحال بقابلها صدفة نفسى العمر يجرى وتفضل معايا واروح اخطبها
وساعتها طبعا هتبقا بمواعيد وابقى عاها عالطول وقلبى يستريح ........................! هية دى قصة حبى اية رايكم فيها بصراحة ؟ ياريت كلة يقول رايه بصراحة لان دا يفيدنى اوى وشكرا ....!
تحياتى / محمود البرنس .......................
موضوع: قصة حبى انا ياريت كل الاعضاء يقولو رايهم بصراحة فيها ؟ 
الثلاثاء سبتمبر 15, 2009 5:05 pm
