صـاحـــبــى يـا لـى فـى الـشــدة

يا صاحبي ياللي في الشده بالجأ ليك***وفي نور كلامك بشوفلي طريق ولما احس غبائي يستحكم***اروح واقولك شدني وانا غريق انا كنت لما احس الدنيا بتضلم واحس اني
عبيط ومتنيل***انا كنت بجري على بابك واخبطلك وانده واقولك شدني انا غريق تفتح ببانك بلهفه وشوق وتمد ايدك في ايدي تشدني للنور وبمعلقه فضه بتلمع نورتسقيني طعم العلم والمعرفه والنور***وافتح ببان القلب والشبابيك واكب منه الغبا والضيق***واعبي عقلي وقلبي منك خير صحيح انا مشكلتي مش وياك***ولا الحكايه خناقه كانت معاك كل الحكايه انا وانت برده يا ذوق واقعين في حيره ولخبطه بالكوم***يا صاحبي مين ينجدك من الغبا وانت اللي كنت زمان رمز الأمل والنور بلورتك السحريه راحت فين افتحها ابوس ايدك وورينا شوف مين غلط ومين اذى مين افهم وفهمني وقول للكل***وافصل بحكمك في امر الغل ده انا كنت مطمن ومسنود بيك ومعتمد على رؤيتك بعين العقل دلوقتي بتزعقلي ومتغاظ ليه***د ه انا عمري ما خنتك ولا كدبت عليك***انا بس مش عايز قراري يكون غباوه في غباوه وظلم في ظلم