تسعة أفكار لتسع هداي رائعة ورومانسيةا لعيد الحب، قولو رايكم تخلوها على الشباب

تسعة أفكار لتسع هداي رائعة ورومانسيةا لعيد الحب، قولو رايكم تخلوها على الشباب  

الحواس الخمس: بحبك بكل حواسي هذا ما تقوله عندما تهديها خمس هدايا: في الأولى تعبر عن حاسة النظر كصورة او برواز أو منظر او ساعة، الثانية عن حاسة الشم كالعطر المفضل لديها (اوعك تجبلها عطر على ذوقك اتأكد بالاول شو الشي يلي بلبئلا، طبعا كثير بفرق يمكن تخلي على الرف بس مجاملة بعدين مفضل من السوبر فارم!!) الهدية الثالثة تعبر عن حاسة اللمس ممكن لفحة أو شال أو ملابس او حذاء، عن حاسة الذوق شوكلاتة أو مكسرات، وعن حاسة السمع اغنية او حتى ممكن تسجلها سي دي بالأغاني المعبره (تحاولش تسجل صوتك!). 

بحبك بل اللغات والخطوط: تخيل حالك حامل بطاقة وماشي بالشارع، بالجامعة او على المحطة، في القهاوي او في السوق، (الله ما اكثر غير السواح) اطلب من كل شخص تقابله يكتبلك على البطاقة بحبك بلغته وبخطه (طبعا اهم شي لا تغلط وتسأل عربي لانه ببساطة رح يضحك عليك). 

صناديق العجب: 4 صناديق بكل صندوق مفاجأة مثل ورود مجففة، بلور وزجاج ملون، اشكال مضحكة،والصندوق الأخير هدية قيمة كعقد أو خاتم او ساعة او حتى ممكن حمالة مفاتيح ( وكل شي منك حلو انت كريم وهي بتستاهل). 

شمعة وعطر وصورة: شمعة مكتوب عليها اسمائكم او صورتكم، اليوم في شمع أشكال وألوان وعطور حتى بتقدر تكتب فيها قصائد وكلمات. 

كتاب وخط أصفر: كتاب، قصة أو رواية، اعجبتك نصائح واشياء قريبة منك ذكرت فيه، خُط عليها بقلم أصفر (يعني علّم الجُمل يلي بتعبر عنك) وإهديها الكتاب. 

دفتر وكلمات: جمع اجمل الكلام من شعر او اغاني في دفتر جميل واهديها اياه، حتى لو انك مش شاعر فيك تكتب اجمل الكلام (اذا من قلبك). 

حفر واكسسوارات: شراء أي اكسسوارات مثل احزمة جلد، ساعات قداحات، أقلام، اغراض المكتب مع حفر الاسماء عليها، او أي جمل حلوة . 

فيديو كليب: " هذه شوي صعبة "، بدها معرفة ببرنامج ال (moviemaker or premier ( حيث تقوم بتجميع صور لها او لكما مع بعض او أي صور بتعبر عنكم ممكن اضافة موسيقى او كلمات او حتى صوتكم كخلفية ( ما فشر سعيد الماروق باخراج فيديو كليب عن هالشكل). 

مشوار غير شكل: عزومة على مكان غير شكل مثل بار شوكلاتة، البحر، فيلم او جو رومانسي في البيت (يعني استعمل التفكير الإبداعي في الموضوع) 

طبعا مهم جدا لا تنسى ان كل هذه الهدايا يجب أن تكون ضمن مفاجأة وكذلك لا تنسى مع كل هدية ارفاق 
الورد والدبدوب والشوكولاته لانه هذه الهدايا التقليدية لازم تكون موجودة ( أصل البنوتات بزعلو اذا ما حصلو عليها ديربالكم شباب، شو رأيكم صبايا تقلنا عليهم شي!). 

تسلم ايدك
جميل جدا