// حكايات ام تامر و أبو تامر //

سنعيش سويا فاصل من حياه أبو تامر و أم تامر

أبو تامر هو شخصيه أسطوريه له هيبته داخل جدران بيته كلمته يصعب على اى كائن داخل البيت ان يعترض عليها صوته جهورى

أم تامر هى شخصيه مطيعه لا تخالف امر لزوجها نعم المراه ..تقابل الشده باللين تحاول بقدر المستطاع ان تلبى احتياجات ابو تامر و ان تطيعه و تنفذ له كل رغباته و كل همها فى الدنيا راحه و رضا أبو تامر

تعالوا معنا نرى مدى حب أم تامر لأبو تامر

.................................................. ..........

أبو تامر : انا راجل البيت و الكلمه كلمتى و اللى أقول عليه يمشى

أم تامر : نعم نعم يا عمر هو انا الجاريه اللى اشتراهالك ابوك و لا لاقينى على باب الجامع لا اصحى يخويا لأقف معوووج و اتكلم عدل الكلام ده تقوله لأمك

أبو تامر : بطلى برطمه و غلبه و روحى هتايلى أشرب

أم تامر : ايه اللى هاتيلى اشرب و انت ايدك راحت فين و لا على رجليك نقش الحنا

أبو تامر : طيب مش وااااااااااااكل

ام تامر : متكلش يخويا اللى ياكل على ضرسه ينفع نفسه

أم تامر : فينك يا بابا ياللى كنت مستتنى و مهنينى و مكنش تخلينى اشيل الياسمينا من مكانها جبتلى اللى يعكنن عليا ...اهىء اهىء اهىء .... روح منك لله يا بعيد

أبو تامر : اقلبيهالنا مناحه بقى ...الساعه بقت 2 و نص عاوزين نتغدى

أم تامر : مطبختش يخويا انزل هاتلنا حاجه جاهزه

أبو تامر : طيب مهو كان من الصبح كنتى قلتى اجيب و أنا جاى

أم تامر : نعم هو انا دماغى دفتر اهو اللى حصل انزل يلا

أم تامر : انزل يلااااااااااااااااااا العيال هتموت من الجوع

أبو تامر : اعملى حسابك هنروح لأهلى النهارده بعد المغرب كده

أم تامر : طيب يخويا بحسبك هتقولى نروح دريم بارك قال اهلك قال

بعد المغرب

أبو تامر : يلا يستى اتاخرنا على أهلى عاوزين نقعد معاهم شويه

أم تامر : 5 دقايق و اخلص الميك اب بتاعى

أبو تامر : بقالك ساعه بتقولى كده

أم تامر : يعنى الغمط وشى يعنى عشان تستريح انت و اهلك طيب و الله مانا رايحه

فى منتصف الليل

أبو تامر : يلا بقى يا أم تامر ندخل ننام

أم تامر : مش جايلى نوم

أبو تامر : طيب انا داخل انام بقى

ام تامر : اتخمد يخويا اهو ده اللى بنخده منكم اكل و مرعه وقلت صنعه

يوم الخميس

أبو تامر : النهارده الخميس يا ام تامر

ام تامر : و ايه يعنى الخميس الذكرى الاسبوعيه لطهور ابنك يعنى و لا ايه

أبو تامر : يستى عندى اجازه من الشغل بكره و عاوز اتكلم معاكى شويه

أم تامر : مش فاضيه بتفرج على الفيلم

أبو تامر : طيب انا هسبقك استريح شويه

بعد نص ساعه من راحه أبو تامر

ام تامر : يالهووووووووووووووى الحق يا راجل ابنك تامر وقع من على السرير

أبو تامر : خضتينى يا شيخه عينيا كانت غفلت هو يعنى السرير على ارتفاع 5 متر مهو على الارض على طول و بعدين تامر ده 20 سنه

ام تامر : يا راجل قوم اتحرك حرام عليك مفيش دم شايف ابنك واقع و نايم

أبو تامر : قوم يا تامر يا حبيبى نام على السرير

تامر : لا يا بابا الأرض ساقعه و الجو حر خلينى كده

أبو تامر : طيب يبنى نام كده

أم تامر : يا رااااجل خلى عندك دم الواد هيجله رطوبه قومه على سريره

أبو تامر : قوم يا ابن المهبوله نام على السرير عشان امك متروشناش

أبو تامر : دى أمك نامت يا تامر نام بقى يا حبيبى و اقفل على نفسك كويس

بعد شهر

أم تامر : يا أبو تامر انهضنى يخويا

أبو تامر : نعم يستى

ام تامر : بتوحم

أبو تامر : عاوزه ايه

أم تامر: عاوزه سلاحف النينجا يا راجل

أبو تامر : و دول بيتباعوا فين

أم تامر : معرفش بس هاتهملى للواد يطلع شكل كرعون

أبو تامر : مش جايب حاجه

ام تامر : عنك مجبت

..................................................

و بذلك يستمر النقار بين أبو تامر و أم تامر الى مالانهايه

.................................................. ...............

اتمنى ان تكونوا استمتعتم بهذه القصه الشيقه

تمنياتى لكم بقضاء وقت سعيد

و كل سنه و أعضاء غالى طيبين

اشوفكم على خير

سلام

/*/ حكايات ام تامر و أبو تامر /*/ Heart

/*/ حكايات ام تامر و أبو تامر /*/ Unsure3

يسلمووووووو

مرسي علي مرورك نورتي

» رابطة عشاق نجم الشباب الاول وكل ماهو جديد وقديم للفنان تامر حسنى لو انتا من عشاق تامر ادخل وسجل اسمك
» صور تامر حسني
» بعض اغانى تامر حسنى
» خوش وشوف صور تامر حسنى
» تامر حسني و هو بشجع مصر