رابطة عشاق نجم الشباب الاول وكل ماهو جديد وقديم للفنان تامر حسنى لو انتا من عشاق تامر ادخل وسجل اسمك

رابطة عشاق نجم الشباب الاول وكل ماهو جديد وقديم للفنان تامر حسنى



بسم الله الرحمن الرحيم
*******************

السلام عليكم 




كان حلم ابتدي بشوية شباب بيقضوا اجازتهم علي النت
حلموا يدافعوا عن مطربهم الجميل جدا والرومانسي جدا
حلم ابتدي باشخاص عندهم امل في النجاح والبداية من الصفر
حلم ابتدي بناس بتحب بمطربهم بجد وبتخاف عليه 


من يوم محنة تامر وهما نفسهم يعملوا حاجة لتامر
امتحاناتهم كانت شغاله وتفكيرهم كان مع قضية مطربهم
كانوا في عز الامتحانات ورغم كده بيعقدوا يتابعوا اخر اخبار المحنه
لحد اما توصلوا انهم يعملوا رابطة لعشاقه يساندوه ويعبروا عن حبهم ليه بطريقتهم الخاصه


ورغم امتحاناتهم الا انهم افتتحوا الرابطة 
وابتدوا الشغل وابتدوا تجميع الداتا الخاصه بالموقع
كانوا يخرجوا من الامتحان عدل علي الموقع يشوفوا اخر الاخبار
ويتابعوا النجاح يوم بعد يوم والرابطة تكبر وتكبر وتزيد وتزيد 


وابتدت الاجازة 
وابتدت الدعاية للرابطة 
وابتدي المنتدي يكبر وينجح كل يوم عم اللي قبله 
وصلوا لجريدة عمرها بسيط لكن واسعهة الانتشار وكل قراءها شباب * عين *
وصلوا وحققوا نجاح موصلش ليه المنافسين اللي ابتدوا قبلها بكتيييييير اوي
جريدة شافنا مصر كلها وعرفوا ان في رابطة اسمها رابطة عشاق تامر


وبعدها ابتدت علاقتهم تبقي اكبر من المنتدي والمسنجر 
ابتدي تبقي في مقابلات وابتدي تبقي في تليفونات 
يطمنوا علي بعض و يعرفوا بعض اكتر ويزورا بعض
نشأت علاقات اخوة وعلاقات صداقة وعلاقات حب هنا
اتجمعنا علي حب تامر وعلي مساندته في محنته 


ويوم خروج تامر 
كانوا كلهم متجمعين من الصباح الباكر 
وناس شافت بعض وناس جت من بلاد بعيده 
وناس كان صعب عليها تبقي موجودة ورغم كده جت
جم يساندوا مطربهم ويقولوا احنا جنبك وعملنا رابطة ليك انت 
وكان النجاح الثاني حينما اقتنص الرفاق حوار مع شاشتي 


وفي يوم وفي اقتراح جميل قرروا يفطروا مع بعض
كان يوم جميل عبر قد ايه احنا بنحب بعض 
وكان موعدنا مع النجاح الثالث واكثروهم قوة 
فقد كان موعدنا مع حوار مع قناة ART عين 
وبدل ما كانوا بيقروأ عننا شافونا وشافوا شغلنا


كبرنا اوي اوي وبقي عددنا بيقوف اي حد
وخدنا ترتيب عالمي ووصلنا لتامر 
بقينا كل يوم بنزيد وكل يوم بكنبر
وكان موعدنا مع النجاح الرابع
جريدة الجمهورية
احدي الاهرامات الثلاثة في الصحافة في مصر 
وكانت ضربة قاضية لكل واحد شك في قدراتنا وفي نجاحنا


حاولنا بقدر الامكان نجمع كل ما هو جديد وهو مفأجي لعشاق تامر
صور واغاني ولقاءات و كليبات لتامر قدرنا نوصل لها 
كل صوره كانت بتنزل حصريه كان ناس بتسافر لها بلاد
كل اغنية حصرية لينا كانا بنلاقي صعوبة علشان نجبها
كل لقاء جه من علي لاب توب تامر شخصيا كان بعد معاناة


ابتدينا نمشي في طريق الرسمية 
مع ان بشهاده كل الناس احنا رسمي من الاول
بس عرفنا اخوات تامر بينا ودخلناهم يشفونا 
وعرفوا قد ايه احنا مش كلام وبس لا احنا شغل
ومع كل دقيقة وكل ساعه كان بيزيد واحد للرابطة


وكان موعدنا مع الخبر الحصري الا وهو العربية الهامر 
وده كان خبر حصري لينا وكان الصور اول ناس جبناها 
ومن بعدها واحنا بنكون الاول علي مواقع تامر
خدنا ترتيب عالمي 


كافحنا ورحنا وجينا علشان نوصل لتامر
وفعلا وصلنا لتامر 
ودي كانت الضربة القاضية 
كانت القنبلة اللي فجرناها 
وصلنا لتامر وكانت اول كلمة من تامر ** انتوا تعرفوا بعض **
لو عرف ان من الرابطة دي في ناس بقم اصحاب اوي وناس بقم احباب اوي 


وبعد كده وبعد كمية الضربات القاضية دي 
كانت الضربة اللي حطمت قلب كل حقود
كانت الضربة اللي خذلت كل غيور وعائق للنجاح
كانت الضربة اللي بعدها بقينا اكتر من الرسمي
دخول تامر حسني للرابطة 
ودي كانت اشد النجاح واقصي احلامنا واتحقق 
دخل وشاف اكتر من 300 عضو في انتظاره 
وكتب ليهم موضوع ونزل صورتين حصريتين
ده تامر اللي كنا بنتمي يسمع ان ليه موقع احنا عمالينوا ليه
واظن ان بكده يعتبر حققنا كل طموحتنا وووقفنا جنب تامر 



وبعدها اخدنا بصمة صوت تامر باسم تامر لافرز 
ودي كانت احدي ضرباتنا القاضية ايضا 


وبعدها فلاشية روعه وبكده بقينا اصلي اصلي ورسمي رسمي


كام ضربة قاضية 
كام حلم اتحقق
كام حاجة مكنتش علي بال واتحقتت
ده ان دل يدل علي اننا ناس كويسين وبنعمل حاجة احنا حبنها
وان دل ايضا يدل علي اننا مش بنعمل حاجة غلط ولا تافهيين 



احنا رابطة عشاق تامر مش كلام وبس
احنا انجازاتنا في ااقل من سبعه شهور تعبر عننا
احنا حصرياتنا مش عند اي حد خالص 
احنا علشان بنتعامل بحب واحترام كبرنا والحمد لله
احنا ناس حددنا هدف ومشينا صح ووصلنا صح 


مع كل حلم كانت في ناس كتير اوي وراه علشان يتحقق
مع كل فكرة جديدة كانت وراه ناس بتساندها وتكبرها
مع كل اغنية اتعملت لتامر كان في ناس بتوصلها لتامر


ابتدينا بحلم صغير اوي اوي 
وكبرنا وكبرنا وكبرنا
اللي احنا فيه ده مش من فراغ
لا ده تعب وسهر ليالي وشغل بجد
اللي احنا فيه مش بين يوم وليلة 
دول شهور بنعمل دعايا وبنحاول نقول للناس اننا هنا 


ناس كتير جت عن طريق صوره
وناس كتير جت عن طريق اغنية ببصمة الصوت
وناس كتير جت عن طريق تصميم من مبدعين الرابطة



احنا رابطة عشاق تامر حسني
احنا اصلي اصلي اصلي
احنا مش كلام وبس
احنا يعني حصري
احنا يعني مش هتلاقي جديد لتامر غير هنا



كان لازم نتكلم ونعبر عن النجاح ده 
كان لازم نقول اننا اللي عملنا كل ده
كان لازم نعرف الناس تاريخنا المشرف
كان لازم نقول احنا تعبنا ووصلنا للنجاح ده



تيم رابطة عشاق تامر تتقدم لكم بخالص التحيات والشكر
فانتم اعضاء رابطة عشاق تامر حسني لكم دور فعال في بناء هذا الصرح



واخيرا 
احنا واثقين من نفسنا اوووي
واحنا ناس بتشتغل بجد علشان تحقق هدف معين



مع تحيات 
*&*&*&*
تيم رابطة عشاق تامر حسني

وانا اول واحد هاسجل اسمى  من عشاق تامر حسنى 

مجهود جامد يا محمد

بس كده يا جماعة فى 3 روابط لتامر

ياريت نكتفى برابطة واحدة