فى الدنيا دى كتير وكتير

هذه الكلمات كتبتها ردا على انسان
كان لى الأخ والصديق
وخان

فى الدنيا دى كتير وكتير
تلاقية شاعر ومرة أديب
يوم حساس وكانه طبيب
ويوم هتشوفه بمليون وش
دايما بيغشك بحكاوى
كل مافيها رغى ودش
كل مايحكى قصة تلاقى
قصته فيها كدب وغش
وانت ياعينى عليك مسكين
قلبك صافى عمره ماغش
ولا فكر يكدب ولا عمره
غير نبضه ودهن الوش
من طيبة قلبك بتصدق
وبيدى له القلب امان
تصحى تلاقى فى يوم قدامك
كل كلامه كان اوهام
وتلاقى نفسك بتفوق
على غدر وتضليل وسهام
مع ان اللى اديته امان
المفروض بيكون إنسان
مكنتش فاكر يطلع حيوان
لكن انا فتحت له قلبى
فلقيته غدار وجبان
فجاة بسهم الغدر رماك
مع انه كان ساهى وكان
صدقته انا يوم ماتكلم
ودويت جرحه وشلت همومه
كنت معاه نعم الإنسان
وانقذته من موت كان فيه
كنت دايما على طول سنده
لما ادفى ولملم نفسه
ملقاش غيرى يضرب فيه
خلى الغدر شرب من سمه
وبينهش بقساوته فـ لحمى
عمرى ماصدق بعد ده كله
إنسان تانى
عمرى ما هأمن كده وبسرعه
لمخلوق فانى
صبح الكدب وسيلة رخيصه
لى ملوش فى الدنيا دى غالى
وبدل مايروح يشرب شيشه
أو يتسلى بالكتشينه
أهو بيجرح قلب حنين
قلب مالوش اصلا فى الغش
امانه عليك ياللى تسلم
قلبك للى مالوش امان
خليك دايما على طول صاحى
واياك يخدع قلبك يوم خوان
واحذر احسن تلقى ديابه
تنهش وتخليك اشلاء
وساعتها راح تندم لكن
بعد ما ح يفوتك بآوان
ولا بالبكاء حتحرك قلب من الصوان
مهو انا م الأول وبقلك اصحى ومتسلمش
قبل ماتنصاب وماتلاقى الدوا والعشب
حاول انك دايما تبقى
فوق الجرح وفوق المحنه
ماهى دنيا فيها كتير وكتير

واخيرا تذكره لك ياأديب

مهما هتدهن وتغير وشك
هاجر قاعده واحساس شاهده
وغيرهم غيرهم ياما كتير
مهما بقيت شاعر واديب
أو هتنصب نفسك راهب
ياله ياصاحبى قطع فيا
وزع جسمى على كافة أركان الأرض
أنت خلاص ظهر لى وشك
ويومى بيعدى طول او عرض
لكن اسمع منى ودى حقيقه
بحلفلك بسم إله الحب
اللى أنا ح أفضل أحلف عمرى
انك يا اديب ما تعرفهوش
وان السكينه اللى فى يدك بتقطع فيا
بتدبح غصبن عنك
بس أوعدنى
لما توزع آخر حته فـ جسمى
ما تفكرش
انك تجمعنى

الشاعر فارس عبدالعزيز
كلامات دائما رائعه وفى قمه التميز
ووصفت نموذج للانسان اللى لا يمكن يتصاحب
كتير اوى بننخدع فى وجوه الناس
ونعرف انهم منوش يسوا حتى معرفتنا
وادينا بنتعلم من الدنيا

تسلم ايدك

» فى الدنيا دى كتير وكتير
» كتير بنعشق ....شيرين
» كلام كتير بداريه
» هام جدا السبب فى ان ناس كتير اخديت بلوك هنا
» ملف كامل للحناء مع نقشات كتير للعرايس