nour_einy الـمــديـر الــعـــام
عدد الرسائل : 1269 الموقع : http://5lekm3aya.com/ العمل/الترفيه : اعمل يالكويت المزاج : عنب تاريخ التسجيل : 16/10/2008
| موضوع: فانوس رمضان .. مساجلة رمضانية الأحد سبتمبر 06, 2009 3:20 pm | |
| [center]يقول بابا خلاص كِبرِِِت
معانا راح تصوم رمضان
وماما تقولله لو صِبرِت
نجيب ليها كمان فستان
واصحى الفجر واتسحر
وادعى واقول يارب اكبر
عشان اقدر اصوم رمضان
وتحت البيت كده قصادى
يدق الطبل وينادى
يانايم وحد الدايم
هلال الشهر هل وبان
وع الظهرية جاى بابا
وشايل كل صنف ولون
وماما تقوللى لغلابه
ياريتنا نطعم المحروم
واقف مع ماما فى المطبخ
تعلمنى كمان اطبخ
خلاص م الجوع اكيد هصرخ
وأقول الأكل شكله جنان
وبعد الأكل هنحلى
تقول ماما روحى اتسلى
حكاية امنا الغولة
وعمو فؤاد على الأولى
واقول لأ هقرا فى القرآن
وصوت رفعت مع المغرب
واقول هانت خلاص هشرب
تقول ماما مافيش مهرب
كفايه عليكى بكرة كمان
واقول مع بابا لأ هقدر
وبكره هكون كمان اكبر
ولو ما أصوم أكيد هخسر
ده شهر البر والاحسان
وقال بابا وشكله سعيد
راح اهديكى وقبل العيد
فانوس احمر وشكله جديد
بشمعه جميله لما تقيد
يلالى فانوسى بالألوان
فانوسى يا غالى يا محلاك
وانزل بيك هنا وهناك
وتنده ماما م الشباك
عشان اطلع اشوف شريهان
وخدت الشهر كله صيام
لكن يا خسارة مر اوام
ومر العام وراه العام
وكبرت مننا الأيام
تغير مننا ملامح
ولسه بنحكى كان ياما كان
فانوس احمر وكان الوان
ولسه بقولها زى زمان
ياريته يدوم طوال العام
ياريته ما ينتهى رمضان
ياريته ما ينتهى رمضان
| |
|
بنت العراق نائبة المدير العام
عدد الرسائل : 3707 العمر : 33 العمل/الترفيه : طالبة المزاج : جميل جداااااا تاريخ التسجيل : 09/11/2008
| موضوع: رد: فانوس رمضان .. مساجلة رمضانية الأحد سبتمبر 06, 2009 3:42 pm | |
| حلو جدا يسعدني اني اكون اول من يرد تسلم ايدك
| |
|
nour_einy الـمــديـر الــعـــام
عدد الرسائل : 1269 الموقع : http://5lekm3aya.com/ العمل/الترفيه : اعمل يالكويت المزاج : عنب تاريخ التسجيل : 16/10/2008
| موضوع: رد: فانوس رمضان .. مساجلة رمضانية الأحد سبتمبر 06, 2009 3:46 pm | |
| شكرا علي مرورك نورتي الموضوع
| |
|
lo0olita نائبة المدير العام
عدد الرسائل : 2683 العمر : 33 العمل/الترفيه : طالبه المزاج : عال العااااااااااااال تاريخ التسجيل : 24/10/2008
| موضوع: رد: فانوس رمضان .. مساجلة رمضانية الجمعة سبتمبر 18, 2009 6:57 am | |
| يعطيك العافية على الموضوع الحلو | |
|